Ақмола облысында сабақ кезінде студент мерт болды

Ақмола облысының Есіл қаласындағы №7 агротехникалық колледжде студент көз жұмды. Өндірістік тәжірибе кезінде оның үстіне бетон құлаған. Оқиға орнында 6 студент болған. Олар көкөніс қоймасы есігінің үстіндегі күнқағарға шыққан. Ескі ғимараттың бетон жабындысы опырылып құлай бастағанда бес студент секіріп түсіп үлгерген. Ал біреуі астында қалып қойған. Оны жедел жәрдем ауруханаға жеткізгенімен, өмірін сақтап қалу мүмкін болмады. Қайтыс болған 1-курс студенті - Есіл қаласының 17 жасар тұрғыны. Қазір оқиға бойынша тексеріс жүріп жатыр.  

Ермек Елберген