Токио Олимпиадасы алауының эстафетасы Фукусимадан басталды

Бүгін Токио Олипиадасы алауының эстафетасы Жапонияның Фукусима қаласынан басталды. Оны 10 мыңға жуық жүгіруші 47 префектура мен аралдарды аралап, төрт айдан соң Жазғы Ойындар стадионына жеткізуі керек. 

Айта кетсек, былтыр тоқтатылған Олимпиада алғаш рет ғаламдық пандемия дәуірінде өтейін деп отыр. Эстафетаға қатысушылар маска тағып, бір-бірінен алшақтық ережелерін міндетті түрде сақтауға тиіс.

Жапонияда коронавирустан 9 мыңдай адам қайтыс болды. Социологиялық зерттеулерге қарағанда, жергілікті халықтың басым көпшілігі Олимпиаданың белгіленген уақытта өтуіне қарсы.

Арыстан Рысбек