Жаңалықтарды Telegram арнамыздан оқыңыз!Жыл басынан бері ұйымдасқан сегіз қылмыстық топтың жолы кесілді. Оның екеуі - трансұлттық топ. Ал бюджет қаржысын жымқыру фактілері бойынша 125 қылмыстық іс қозғалған. Келтірген шығын 14 миллиард теңге. Бұл туралы қаржылық мониторинг агенттігінің төрағасы Жанат Элиманов мемлекет басшысының қабылдауында айтты. Қаржы пирамидаларының жолын кесу бағытында атқарылып жатқан жұмыстар да баяндалды. Бүгінгі таңда күмәнді іс-әрекеттер бойынша 21 материал құқық қорғау органдарына жолданды. Бұдан бөлек, кәсіпкерлердің қылмыстық қудалауға түсуіне жол бермеу үшін қабылданған шаралар айтылды.
Асима Нұрбайқызы
