Жаңалықтарды Telegram арнамыздан оқыңыз!Сотталғандарға тыйым салынған заттарды заңсыз жолмен өткізбек болғандар әкімшілік жазаға тартылуда. Жыл басынан бері Шығыс Қазақстанда 30-дан астам осындай дерек тіркелді. Олардың ішінде, әсіресе,телефон мен SIM картаны жасырын кіргізбек болатындар жиі кездеседі. Сөйлесу құралын тез дайындалатын кеспе я балдың ішіне тыққандар да бар. Ал таяуда қатаң тәртіптегі түрменің біріне 30 литр спирт өткізбек болған адам ұсталды. Көлігін жөндетемін деген желеумен мекеме аумағында орналасқан көлік жөндеу станциясына келген ол спиртті, тағы басқа заттарды машинаның 4 есігіне жасырған.
Жанболат Қалетаев, ШҚО бойынша қылмыстық-атқару жүйесі департаментінің бастығы:Азаматтар мекеме аумағына кіргізуге тыйым салған заттарды түрлі амалдармен кіргізуге тырысады. 2 ай ішінде 24 деректің алды алынып, 8 азамат әкімшілік жауапкершілікке тартылды. Ескере кетсек кіргізбек болған заттың қай сотталғанға екені анықталса сотталған да тәртіптік жауапкершілікке тартылады. Сондай-ақ болашақта мерзімінен бұрын босатылу мүмкіндігінен айырылады.
Берік Көшербай
