Басты Жаңалықтар Оралда «Экоquest» сайысы өтті

Оралда «Экоquest» сайысы өтті

19.08.2026 17:17

Оралда «Таза Қазақстан» жалпыұлттық экологиялық акциясы аясында «Экоquest» сайысы өтті.

Жастар логикалық тапсырманы орындай жүріп, өзен жағалауын күл-қоқыстан тазартты. Топ-топқа бөлініп, викториналық сұрақтардың шешімін тауып, тұрмыстық қалдықтарды жинады. Іс-шарада сайыстан бөлек, экологиялық еріктілер қозғалысы, жастар жобалары мен бастамаларын қолдау мәселелері де талқыланды. Жастар айналаның тазалығына үлес қосып әрі экологиялық сауатын арттырды.

Әлия Акрамова, волонтер:

Әр экологиялық мақсатта құрылған шаралардың барлығы адал ұрпақты тәрбиелеуге және жастардың тәлім-тәрбиесіне үлкен сеп болады. Өз еліміздің, Қазақстанымыздың дамуына неге атсалыспасқа?! Мен осындай акцияларға қатысуға әрдайым да қуаныштымын.

Автор

Ардақ Мұратқызы

Бөлісу