«Таза Қазақстан»: 117 мың гектар аумақ тазартылды

Биыл «Таза Қазақстан» акциясы аясында ел бойынша 500 экологиялық шара өтіп, 6 миллионнан астам адам қатысқан. 117 мың гектарға жуық аумақ тазартылып, 813 мың тоннадан астам қалдық жиналған.

Ғарыш мониторингі арқылы 2 642 заңсыз қоқыс полигоны анықталып, оның 77 пайызы жойылды. TazaQazBot телеграм ботына түскен 18 мыңнан астам шағымның 16 мыңы қаралып, орындалған. Олардың қатарында аумақты тазалау, қоқыс шығару, көгалдандыру, жарықтандыру және жол жөндеу бар. Азаматтар eGov Mobile қосымшасы арқылы да өтініш қалдыра алады.