Жаңалықтарды Telegram арнамыздан оқыңыз!Ақмола облысының Ақбейіт ауылындағы алтын кені шахтасында тас аралас топырақ опырылып, 2 адам жарақат алды. Жұмысшылар 100 метр тереңдікте болған. Кәсіпорын қызметкерлері жарақат алған жұмысшыларды өздері шығарған. Ал медициналық көмек көрсету үшін жедел жәрдем жолды қар ұстап қалғандықтан жете алмаған. Сондықтан құтқарушыларға жүгінген. Дәрігерлер арнайы техникамен жетті. Жарақат алған 2 жұмысшы да аудандық ауруханаға төтенше жағдайлар қызметінің көлігімен апарылды. Біреуінің аяғы, екіншісінің жамбасы сынған.
Олег Малюк, Ақмола облыстық Төтенше жағдайлар департаментінің басқарма бастығы:
Үйінді астында қалған екі адамды әріптестері алып шыққан. Біздің қызметкерлер медицина мамандарының оқиға орнына жетуін және зардап шеккендерді ауруханаға апаруды қамтамасыз етті. Қазіргі уақытта олар Астрахан аудандық ауруханасында ем қабылдауда.
Ермек Елберген
