Жаңалықтарды Telegram арнамыздан оқыңыз!Алматы облысында ішімдік ішкен жүргізуші жол жиегінде тұрған 8 және 9 жастардағы үш қыз баланы соғып кетті. Оқиға Еңбекшіқазақ ауданының Қорам ауылында болған. Жарақат алған жеткіншектер түрлі дене жарақатымен Шелек аудандық ауруханасына жеткізілді. Ал көлік жүргізушісі медициналық айықтырғашқа қамалып, үстінен қылмыстық іс қозғалды.
Қостанай-Әулиекөл тасжолының бойында жан түршігерлік жол апатынан 7 адам қаза тапты. Қайғылы оқиға кеше кешкілік, Новонежин және Лаврентьев ауылдарының арасында болған. Полиция қызметкерлері апатқа себепщі Қостанай қаласы жақтан келе жатқан Lexus-тың жүргізушісі екенін айтады. Ол жүк көлігін басып озбақ боп қарсы бағытқа шыққанда, өз жолағымен келе жатқан Mitsubishi-ді бетбе-бет кеп соққан. Қатты соққыдан екі көлік те мыжылып қалыпты. Қазір осы оқиға бойынша қылмыстық іс қозғалып, сотқа дейінгі тергеу жүріп жатыр7
Виталий Цой, облыстық ПД ЖПҚБ бастығының орынбасары:
Жол апаты жарық уақытта болған. Күн ашық, жол тегіс, тайғақ емес. Яғни, апат Lexus жүргізушінің қауіптің жоғына әбден көз жеткізіп алмай, қарсы бағытқа шыққандығынан болып тұр. Жол қателікті кешірмейді. Біз жүргізушілерді барынша мұқият әрі жауапты болуға шақырамыз.
