Елімізде 276 елді мекенді су басу қаупі бар

Биыл су тасқыны болуы мүмкін аймақтарға Қарағанды, Ақмола, Солтүстік және Шығыс Қазақстан облыстарындағы бірқатар аудандар енді.

Көктемгі су басудың алдын алу мен оған дайындық жұмыстары кешенді жүргізіліп жатыр. Бұл туралы Төтенше жағдайлар министрі айтты. Көктемгі тасқынның алдын алуға 40 мыңнан астам маман мен 13 мыңға жуық техника тартылады. Қазір елімізде жалпы 276 елдімекенді су басу қауіпі бар. Оларды тасқыннан аман қалып алу үшін арнайы Жол картасы жасалды. 

Юрий Ильин, ҚР Төтенше жағдайлар министрі:
Қазір қоғамда су тасқынына қатысты жылда бір жағдай қайталанады деген түсінік пайда болған. Бұл дұрыс пікір емес. Жол картасы шеңберінде еліміз бойынша 300-ден астам елді мекенді су басудан аман алып қалдық. 70 мыңнан астам үйге қауіп сейілді. Жағдай қар мен жауын-шашынға да байланысты өзгеріп отыратындығын ұмытпайық. Өзендер деңгейін де ескеру маңызды.