Шымкент тұрғыны зейнетақы жинағын пайдаланып, баспаналы болды

Шымкент қаласында тұратын алғашқы қазақстандық біржолғы зейнетақы төлемдерін пайдалана отырып баспаналы болды. Бұл туралы «Отбасы банкінің» баспасөз қызметі хабарлайды.

«Мен өзімнің зейнетақы жинақтарымның жеткіліктілік шегінен асатын бөлігін пайдалануға болатынын әлеуметтік желілерден білдім. Онлайн-платформа іске қосылғаннан кейін, келесі күні қаражатты пайдалануға өтінім бердім. Ал 1 ақпанда менің арнайы шотыма бір жолғы зейнетақы төлемдері түсті», - деп атап өтті шымкенттік тұрғын.

Ол тұрғын үйді үлестік қатысу шарты аясында сатып алды. Ал ипотеканы «Отбасы банкінен» алуды шешті.

«Бастапқы жарна ретінде зейнетақы жинақтарымды қолдандым. Ипотеканы «Отбасы банктегі» аралық заем арқылы рәсімдедім, себебі пайыздық мөлшерлемесі және рәсімдеу жылдамдығы ұнады», – дейді ол.

Салымшының айтуынша, несие де тез арада мақұлданып, ешқандай қиындық болмаған.