Алматы облыстық сотының ғимараты карантинге жабылды

Талдықорғанда Алматы облыстық сотының ғимараты карантинге жабылды. Себебі 8 қызметкерден коронавирус анықталған. Қазіргі таңда ғимаратты залалсыздандыру жұмыстары жүргізіліп жатыр. Науқастар оқшауланып, дәрігерлердің жіті бақылауына алынды. Ал барлық істер онлайн форматта қаралып, сот отырыстары кейінге шегерілді. Қазақстан Республикасының Қылмыстық процессуалдық Кодексінің 107 бабымен келіп түскен істер Талдықорған қалалық сотының ғимаратында қашықтықтан қаралады. Карантин 2 аптаға жалғасады. Айта кету керек Пандемия басталғалы облыстық сот осымен екінші рет жабылып отыр. 

Қуаныш Қанатұлы