Банктер, валюта айырбастау пунктері мен ломбардтар онлайн қызмет көрсетеді

Елімізде банктер, ақша айырбастау пунктері мен ломбардтар онлайн қызмет көрсетуге көшті. Ұлттық банк пен Қаржы нарығын реттеу мен дамыту агенттігінің бірлескен Жарлығы 19 қаңтардан күшіне енді. Құжатқа сәйкес, «қызыл» аймақтағы өңірлерде қызметкерлердің кем дегенде 60 пайызы қашықтан жұмыс істейді. Филиалдарда мамандардың 40 пайызы жұмысқа келмейді. Ал «сары» және «жасыл» аймақтарда қызметкерлердің кем дегенде жартысы қашықта болса, бөлімшелерде мамандардың 30 пайызы онлайн жұмыс істейді. Шаралар короновирус инфекциясының таралуына жол бермеу мақсатында қолға алынып отыр.

Дарын Сағитов