Алматы облысында жапан далада жалғыз жүрген бала табылды

Алматы облысында баласын иен далаға жалғыз тастап кеткен ата-ана жауапқа тартылуы мүмкін. Ақши-Базой тас жолының бойында жүрген жасөспірімді көлік жүргізушісі тауып алған. Қорқып әрі тоңып қалған бала жөнін айта алмаған соң, жүргізуші оны өзімен бірге ала кетіп, әлеуметтік желілерге хабар таратқан. 

Оқиға бойынша тәртіп сақшылары шұғыл әрекет етіп, баланың ата-анасын тауып, табыстырған. Қазіргі таңда баланы жалғыз қалдырмаған ер азаматты марапаттауға ұсыну мәселесі қарастырылып жатыр. 

Қуаныш Қанатұлы