Оралда жасырын жұмыс істеген түнгі клубтар анықталды

Шектеуге қарамастан Оралда екі түнгі клуб дискотека ұйымдастырып заңсыз жұмыс істеген. Құқықбұзушылықты анықтауға сауық құрған қонақтардың әлеуметтік желіге салған суреттері себеп болды. Соның ізімен көңіл көтеру орындарына жеткен мониторингтік топ өкілдері, жөнсіз сайранға тоқтау салған. «Сиберия» клубында 50 адамның басын қосқан ұжымдық кездесу өткізілсе, «Кактус» диско-барында 20 адам қатысқан би кеші ұйымдастырылған.

Роза Қасенова, қалалық санитарлық-эпидемиологиялық бақылау басқармасының бөлім басшысы:
Бізге екі ойын-сауық мекемесіне қатысты материалдар түсті. Қазір іс қаралып жатыр. Енді оларға қатысты шаралар қолданылады. Жалпы жуырда той-томалақты жиі ұйымдастырған алты кафе-мейрамхана сот шешімімен үш айға жабылды.

Рауан Диәли