Оралда жеке кәсіпкерге сенімгерлікке берілген мұз айдыны жұмыс істемей тұр

Оралда жеке кәсіпкерге сенімгерлікке берілген мұз айдыны жұмыс істемей, жабық тұр. Мұның себебін кәсіпкер карантинмен түсіндіреді. Өйткені шектеулер енгелі бизнестен береке қашқан. Енді ол кірісінен шығысы көп шаруаны тоқтатып, стадионды кері тапсырмақ. Екі жақты келісімге сай кәсіпкер кәріз, су және жарық желілерін жөндеп үлгерген. Бұған 17 млн теңге көлемінде қаржы жұмсаған.

Жеңіс Ниғметуллин, Спорт басқармасы басшысының орынбасары:
Жылдың аяғына дейін бұл объектіні мемлекеттік меншікке қабылдағаннан кейін, өздеріңіз көріп тұрғандай мұз құйылып жатыр бұл объектіде бірақ оның бетін қар басып қалған. Осы қарды шығарып, мұздың бетін тегістеу жұмыстарын жүргізіп, Жаңа жылда біз халыққа жаппай сырғанауды ұйымдастырамыз.

Рауан Диәли