Таразда жетімдердің шотынан ақша ұрлаған алаяқ ұсталды

Таразда жетім балалардың банктегі шотынан миллиондап қаржы ұрлаған. Қазір 25 жастағы қала тұрғынына қатысты қылмыстық іс қозғалды. Ол жетім балаларды алдап-сулап, баспана алуға жинаған қаржыларын шешіп алып отырған. Күдікке іліккен азаматша осы балалар үйінің тәрбиеленушісі, сондықтан жетімдерді көндіру оған қиынға соқпаған. 

Гүлсара Мұқтарқұлова, ІІД баспасөз қызметінің жетекшісі:

Пәтер алуға көмек көрсету сылтауымен күдікті 3 млн-нан 6 млн-ға дейін сумма иеленген. Облыстық балалар мен жасөспірімдер үйінің түлегі бола тұра күдікті осы мекеме шотынан мемлекеттік жылжымайтын мүлік сатып алуға бөлінген қаражатты алуға қатысты болған. Қазіргі таңда аталған факт бойынша ҚР Қылмыстық кодексінің 190-бабы 3-тармағы бойынша тергеп-тексеру амалдары басталды.

Сәбит Әлдебай