Қазақстанның сауда балансы 20 жылдан бері алғаш рет жағымсыз сипат көрсетті

Бұл туралы бүгін Ұлттық банк төрағасы Ерболат Досаев мәлім етті.  

2020 жылдың үшінші тоқсанында Қазақстанның сауда балансы -1 млрд доллар көлемінде теріс қалыптасқан. Бұл құлдырау 1999 жылдан бері алғаш рет тіркеліп отыр.

«Алдын ала деректер бойынша,  Ұлттық Банктің төлем балансының әдістемесіне сәйкес, 2020 жылдың ІІІ тоқсанында сауда балансы 1999 жылдан бері алғаш рет (-)1,0 млрд АҚШ доллары мөлшерінде теріс қалыптасты», - деп хабарлады Ұлттық банк төрағасы Ерболат Досаев бүгінгі үкімет отырысында.

Осының салдарынан, 2020 жылғы 9 айда сауда балансының профициті 9,1 млрд АҚШ долларына дейін төмендеген. Тауарлар экспорты 18,4% қысқарған, көбіне, ұл мұнай мен газдың экспорты азайғаны байқалып отыр.