Жаңалықтарды Telegram арнамыздан оқыңыз!Талдықорғанда Q-net қаржы пирамидасын құрды деген күдікпен үш адам қамауға алынды. Қазір тергеу амалдары жүріп жатыр. Дегенмен компанияға қаржы салып, сан соғып қалған жүздеген тұрғын «іс сағызша созылып кетті»,- деп құзырлы органдарға наразылықтарын білдіруде. Оңай олжаға қол жеткізбек болғандардың дені қаржы ұйымына тіркелу үшін несие алып, қарызданып, баспаналары мен көліктерін кепілге қойған. Ал облыстық полиция департаментінің өкілдері 240 адамның арызы бойынша қылмыстық іс әлі тергеліп жатыр дейді.
Болат Идеалов, Алматы облыстық полиция департаменті тергеу басқармасы басшысының орынбасары:- 240 жәбірленуші бар. Олардан жауапты алдық. Қазір тергеу амалдары жүргізілуде.
Қуаныш Қанатұлы
