Жаңалықтарды Telegram арнамыздан оқыңыз!Ақмола облысының Щучье қаласында жол апатында 2 полиция қызметкері көз жұмды. Оқиға бүгін таңғы сағат 6:00 шамасында болған. Жол-көлік оқиғасы бейнекамераға түсіп қалған. Қызметтік көлікте келе жатқан полицейлерді Lexus жүргізушісі бағдаршамның қызыл жанып тұрғанына қарамастан, қатты жылдамдықпен бүйірден кеп соққан. Көлікте болған екі полицей де сол жерде тіл тартпастан кеткен.
Қайтыс болған тәртіп сақшыларының біреуі 1982, екіншісі 1987 жылы туған. Екеуінің де артында жары және балалары қалды. Капитан шеніндегі полицейлер жұмыс барысында қаза тапты. Сондықтан отбасыларына 11 миллион теңгеден қаржылай көмек көрсетілмек.
Гүлнәр Пинчук, облыстық полиция департаментінің баспасөз-хатшысы:Күдікті анықталды. Ол - Щучье қаласының 25 жасар тұрғыны. Бұған дейін көлік ұрлағаны үшін жауапкершілікке тартылған. Және мас күйінде көлік тізгіндегені үшін жүргізуші куәлігінен айырылған. Оған Қылмыстық кодекстің 345-бабы бойынша айып тағылды. Бірнеше сараптама тағайындалды. Тергеу жүріп жатыр.
Ермек Елберген
