Баян Есентаеваның күйеуі Бақытбек Есентаев екі айға қамауға алынды

Белгілі продюсер Баян Есентаеваны соққыға жығып, пышақ сұққан күйеуі Бақытбек Есентаев екі айға қамауға алынды. Қазіргі уақытта күдіктіге Қылмыстық кодекстің 99-бабының 1-бөлігі, 24-бабының 3-бөлігі, «Өлтіруге оқталу» бабы бойынша айып тағылды. 

Сотқа дейінгі тергеу Талғар аудандық Ішкі істер басқармасы тергеу бөлімінің қызметкерлерінің қарауында.

Естеріңізге сала кетейік, 10 маусым күні соққыға жығылған танымал продюсер Талғар аудандық ауруханасына жеткізілген. Болжам бойынша, Баян Есентаеваны күйеуі ішінен пышақтаған. 

Қуаныш ҚАНАТҰЛЫ