Елімізде заңсыз мұнай айналымынан келетін шығын 2,2 есе өсті

Елімізде заңсыз мұнай айналымынан келетін шығын 2,2 есе өсті. Бұл туралы Қаржы мониторингі комитеті хабарлады. Комитеттің мәліметінше, биыл жедел іздестіру шаралары арқасында мұнайдың заңсыз айналымынан 205 миллион теңге анықталған. Ал былтыр бұл көрсеткіш 91,7 миллион теңге болатын. Сол себепті Энергетика министрлігі биылдан бастап 2022 жылға дейін елдегі мұнай мен газ конденсатын есепке алудың ақпараттық жүйесін дамытпақ. Сол арқылы газ және мұнай өнімдерін өндіру, өңдеу, тасымалдау шаралары бақылауға алынады. Сәйкесінше шығын да төмендейді.

Амангелді Сейітхан