Басты Жаңалықтар Алматыда шенеунік көлігімен 3 жасар баланы қағып кетті

Алматыда шенеунік көлігімен 3 жасар баланы қағып кетті

24.06.2014 12:30

Шенеунік көлігімен қағып кеткен 3 жасар бүлдіршін ес-түссіз жатыр. Ал, жүкті әйел мен баланы соғып кеткен «Lexus» жүргізушісі қылмыстық жауапкершілікке тартылады.

Ол Қылмыстық Кодекстің 3 бабы бойынша заң алдында жауап береді.

Бұл туралы Алматы қалалық ІІД баспасөз қызметі хабарлады. Естеріңізге салайық, оқыс оқиға 20-маусымда тіркелді.

Анасы мен баласы Жансүгіров пен Жұмабаев көшелерінің қиылысынан өтіп бара жатып, жүйткіген «Lexus»-тың астына түскен.

Қалалық ІІД таратқан ақпар бойынша, көлік жүргізушісі оқиға орнынан тайып тұрмақ болған. Қуыс көшелердің біріне бұрылған «Лексусты» оқиға куәгерлері көліктерімен жолын бөгеп, жүргізбей қойған.

Медициналық тексеру барысында жүргізушінің мас екендігі анықталған. Ауыр соққы алған жүкті ана ауруханада жатыр. 3 жасар бүлдіршіннің халі мүшкіл. Дәрігерлер оның бас сүйегі сынғанын айтып отыр.

Дәурен ДАРИЯБЕК

Бөлісу