2021 жылы БЖЗҚ салымшылары зейнетақы жинағының бір бөлігін баспана сатып алуға пайдалана алады

Мемлекет басшысы халыққа Жолдауында келесі жылы БЖЗҚ-ның 700 мың салымшысы жинақталған қаражаттың бір бөлігін баспана сатып алуға жұмсай алатынын айтты. 

«Менің тапсырмам аясында зейнетақы жинағын пайдалану мәселесі пысықталды. 2021 жылдан бастап Бірыңғай жинақтаушы зейнетақы қорының 700 мың салымшысы жинақтың бір бөлігін баспана алуға, емделуге жұмсай алады», - деді Қасым-Жомарт Тоқаев.

Мемлекет басшысы Үкіметке Ұлттық банкпен бірлесіп 2020 жылдың соңына дейін барлық қажетті нормативтік-құқықтық актіні қабылдауды және дайындық жұмыстарын жүргізуді тапсырды.