Елорда мен басқа қалаларда кеңселерді жалдау ақысы арзандаған

Коронавирусқа байланысты бизнестегі белсенділіктің төмендеуінен кеңселер босап жатыр. Елордада шаршы метрлердің жал бағасы 30-40 процентке арзандаған. Ал аумағы үлкен кеңселерге мүлдем сұраныс жоқ. Бизнес жан сақтау үшін онлайнға өтіп, офлайндағылары шағын, арзан офис іздеуге көшкен. 

Гүлшан Әлиева жұмысқа асығып барады. Бірақ бұрыңғыдай кеңсеге емес. Аудармашылықпен айналысатын кәсіпкер бизнес орталықтың тар бөлмесін, жазғы дәмханаға алмастырған. Қол астындағы қызметкерлерін түгел онлайнға жіберіп, бизнесін оңайлатқан.  

Гүлшан Әлиева, Кәсіпкер:

Бұрын біз кеңсені ай сайын 500 мың теңгеге жалдайтынбыз. Қазір одан бас тарттық. Барлық жұмыс үйден істеледі. Қызметкерлердің барлығын штаттан тыс жұмысқа жібердік.  

Азамат Алдоңғар