«Елбасы жəне Ұлттық ұлан» кітабының онлайн тұсаукесері өтті

«Елбасы және Ұлттық ұлан» кітабы - Тұңғыш Президент Нұрсұлтан Назарбаевтың мерейтойына, сондай-ақ Елорда күні мерекесіне орай жарыққа шықты.

Кітапта Елбасының Қазақстанның құқықтық тәртіп әскерінің қалыптасуы мен дамуына қосқан ерекше үлесі туралы айтылады. Тұсаукесер эпидемиологиялық талаптарды қатаң сақтау арқылы әскер басшылығы, ардагерлері және жас әскерилер қатысуымен өтті. Туынды қалың оқырман қауымына, Ұлттық ұлан әскерилері мен басқа да күш құрылымдарының қызметкерлеріне арналған.