Жаңалықтарды Telegram арнамыздан оқыңыз!Парламенттік оппозиция туралы заң жобасы президенттің қол қоюына жіберілді. Құжат бүгін сенат депутаттарының қарауынан өтті. Мемлекет басшысының тапсырамасымен әзірленген заң бойынша парламенттік оппозиция құрылып, олар қаралатын барлық заң жобаларын талқылауға араласады. Сондай-ақ, заңға альтернативті құжат әзірлей алады. Тіпті парламенттік тыңдау, үкімет сағатын ұйымдастыру құқығына ие болады. Бұл халықты мазалаған кез келген мәселені көшеде емес парламент қабырғасында шешуге мүмкіндік береді деді құжатты әзірлеуге қатысқан мәжіліс депутаты Азат Перуашев. Президент қол қойса заң 2021 жылдан бастап күшіне енеді.
Оңғар АЛПЫСБАЙ
