Талдықорғанда майлы дақылдарды өңдейтін жаңа зауыт іске қосылды

Талдықорғандағы индустриалды аймақта майлы дақылдар өңдейтін зауыт ашылды. Кәсіпорын бастапқы кезеңде 50 адамды, толық қуатына көшкенде 350 адамды жұмыспен қамтиды. Ал тәулігіне 400 тонна күнбағыс пен рапс өндіруге қауқарлы. Жаңа нысанның салтанатты ашылуына өңір басшылары мен отандық инвесторлар қатысты.

Зауыт құрылысы 2013 жылы басталған. Жалпы құны 5,8 миллиард теңге Оның 4,4 миллиард теңге қаржысы игерілді. Жоба бірнеше кезеңнен тұрады. Алғашқысында майлы дақылдарды қабылдау, кептіру, тазарту және өңдеу қарастырылып отыр.

Дәл осы индустриалды аймақта алдағы уақытта кезең-кезеңімен құны 23 миллиард теңге болатын 3 ауқымды жоба жүзеге асады. Жаңадан 500 жұмыс орны ашылады деп күтілуде.

Қуаныш ҚАНАТҰЛЫ