Алматы облысында бір түнде бір ауданнан вирус жұқтырған 9 адам анықталды

Алматы облысында бір түнде бір ауданнан 9 адам коронавирус жұқтырғаны анықталды. Бәрі де алдында тіркелген 11-ші науқастың жақын туыстары. Қазір олар тұратын елді мекендер карантинге жабылды. Еңбекшіқазақ ауданындағы 4 саяжай кешенінде 9 мыңдай халық тұрады. Үш жерден блокпост қойылып, қозғалыс тоқтатылды. Карантин талаптарын бұзып шығып кетпеуі үшін айнала көлік өте алмайтындай шұңқырлар қазылды. Алматы облысы әкімінің тапсырмасымен тұрғындарға азық-түлік, қажетті заттар жеткізу мақсатында арнайы тізім жасалды.

Қуаныш ҚАНАТҰЛЫ