Жаңалықтарды Telegram арнамыздан оқыңыз!Жалған ақпараттың таралуына жол берілмеуі керек! Бүгін Ақордада ақпараттық қауіпсіздік мәселелері жөнінде кеңес өткізген Мемлекет басшысы Қасым-Жомарт Тоқаев осындай тапсырма берді. Өйткені Жамбыл облысы Қордай ауданында болған оқиғаға осы жалған ақпарат пен арандату себеп. Сондықтан Президент жауапты министрліктер мен құқық қорғау органдарына алдағы уақытта мұндай оқиғаларға жол бермеу үшін кешенді шаралар қабылдауды тапсырды. Яғни жалған ақпарат тарату және арандату сипатындағы кез келген әрекеттің жолы кесіліп, ақпараттық кеңістіктегі жұмыстарды күшейту қажет.
Досжан МАРАТҰЛЫ
