Қордайдағы әлеуметтік нысандар қайта жұмысқа кірісті

Қордай ауданындағы Масаншы мен Сортөбе ауылдарында қираған үйлер мен сауда орындары қалпына келтіріліп жатыр. Қазір мектептер мен балабақшалар, басқа да әлеуметтік нысандар қалыпты жағдайда жұмыс істеп тұр. Бұл ауылдарда 9 мектеп пен 7 балабақша бар. Оның 8-і күнделікті жұмыс тәртібіне көшкен. Ал орта мектептің бірінде өңірден құрылған жедел штаб орналасқан. Бұл білім ордасының оқушылары уақытша басқа мекемелерге ауыстырылған. Ал Масаншы, Ауқатты, Сортөбе ауылы тұрғындарының қауіпсіздігі үшін полиция мен басқа да құқық қорғау органдары тәулік бойы кезекшілік етуде.

Сәбит ӘЛДЕБАЙ