Батыс Антарктикада пингвиндер азайып барады

1971 жылдан бері олардың саны 77 пайызға кеміген. Ғалымдардың ойынша, бұған климаттың өзгеруі себепші.  

Дүниежүзілік Метеорологиялық агенттіктің есебінше, мұнда ең ыстық температура 18 градусқа жетіп, Оңтүстік полюстің айналасындағы мұз қалқандарды ерітіп жатыр. Соның салдарынан азығы азайған пингвиндердің қатары сиреп барады.  

«Гринпис» халықаралық экологиялық қозғалысы қазір Біріккен Ұлттар Ұйымын жан-жануарларды сақтау үшін 2030 жылға дейін мұхиттардың 30 пайызын қорғау міндетін алуға шақырып отыр.

Арыстан Рысбек