Нэнси Пелоси Трамптың жолдауын жыртып тастады

АҚШ Конгресінде президент пен демократтар лидері арасында үлкен жанжал туындай жаздады. Ақ үй басшысы мұнда халыққа үндеу жолдау үшін барып, өкілдер палатасының спикері Нэнси Пелосидің қолын алмастан сөзін бастап кетті. Содан кейін үнсіз ғана орнына жайғасқан Пелоси көп кешікпей Трамптың сөздері жазылған бума-бума қағазды жырта бастады. 

Президенттің 80 минуттық жолдауы аяқталғанда оған республикалықтар орнынан тұрып қошемет көрсетсе, демократтардың көбі тапжылмай отыра берген. 

Айта кетсек, демократтар Трампқа қарсы импичмент процесін былтыр қыркүйекте бастады. Ал Сенаттағы республикалықтар мемлекет жетекшісін бүгін ақтап алады деген болжам бар.

Арыстан Рысбек