Қазақстанда көліктің 10-нан астам жаңа моделі шығарыла бастады

2019 жылдың қорытындысы бойынша еліміздегі автомобиль өнеркәсібінің үлесі 26 пайызға дейін жеткен. Әрі биыл Қазақстанда көліктің 10-нан астам жаңа моделі шығарыла бастады. Бүгін Премьер-Министр Асқар Мамин Ұлттық автомобиль павильонын аралап, көлік өнеркәсібін дамытудың 2020 жылға арналған жоспарымен танысты. Енді елімізде жылына 100 мың автокөлікке дейін құрастыру көзделген. Оның 10-15 мыңын Ресей, Қырғызстан, Өзбекстан, Тәжікстан, Беларусь, Әзербайжан секілді елдерге экспорттау жоспарда бар. Осы мақсатта ынтымақтастық туралы маңызды келісімге қол қойылды.

Досжан МАРАТҰЛЫ