Иран әскерилері ұшақ апатына қатысты тергеуге канадалық әріптестерін шақырды

Иран әскерилері атып түсірген ұшаққа қатысты тергеуге канадалықтарды шақыруға сыңай танытып отыр. Мұны Канада көлік қауіпсіздігі органының басшысы Кэти Фокс мәлімдеді. Айта кетсек, Тегеран мен Оттава арасындағы дипломатиялық байланыс 2012 жылы үзілді. 

Қаңтардың 8-де Иран астанасы маңына құлаған ұшақтағы 176 адамның 56-сы – канадалықтар еді. Апат болған жерге украиналық мамандар жетті. 

Олар канадалықтармен бірге лайнердің «қара жәшіктеріндегі» дауыс пен ұшу туралы жазбаларды жүктеп, оларға сараптама жүргізуі тиіс.

Арыстан РЫСБЕК