Жаңалықтарды Telegram арнамыздан оқыңыз!Иран полицейлерлері Тегераннның «Азади» алаңында демонстранттарға газ шашып қана қоймай, оқ атты. Мұны шерушілер айтып отыр. Жергілікті тұрғындар билік украиналық ұшақты атып түсіргенін бірнеше күн бойы жасырғаны үшін митингке шыққан.
Үкіметке қарсылық сенбіде басталып, бүгін үшінші күнге ұласып отыр. Осындай акциялар Исфахан, Шираз, Хамедан қалаларында да өтті. Демонстранттар «Диктатура жойылсын!» деп ұрандатқан.
Дегенмен, Тегеран полициясының басшысы тәртіп сақшыларының халыққа оқ жаудырмағанын мәлімдеп отыр.
«Украина халықаралық әуе жолдары» компаниясының ұшағы сәрсенбі күні Тегеран маңына құлап, 176 адам мерт болды. Бұл оқиғаны кейіннен президент Хасан Рухани «апатты ағаттық» деп атаған еді.
Арыстан РЫСБЕК
