Үндістанда үкіметке қарсы шеру кезінде бірнеше адам қаза тапты

Үндістанда азаматтық туралы заңға қарсы шерулер жалғасып жатыр. Бүгін елдің оңтүстігіндегі Хайдарабад және Бенгалури қалаларында сан мың адам көшеге шықты. Ал жексенбіде мұндай акциялар бүкіл елде өткен.

Жаңа заңға сәйкес, Ауғанстан, Бангладеш, Пәкістан тәрізді мұсылман елдерінен келген өзге дін өкілдеріне ғана азаматтық берілмек. Алайда, көптеген үндістандықтардың пікірінше, бұндай ереже мұсылмандардың құқығын таптап, елдің зайырлы конституциясына қайшы келеді. Билік болса, барлық азаматтарды дініне қарамай тең қорғайтынын мәлімдеп отыр.

Демонстрациялар кейбір жерлерде қақтығыстарға ұласып, соңғы он күнде 21 адам мерт болды және мың жарымнан астам тұтқындалған.

Арыстан РЫСБЕК