Жаңалықтарды Telegram арнамыздан оқыңыз!Батыс «демократияның батыры» деп атаған және бейбітшілік үшін Нобель сыйлығын иеленген Аун Сан Су Чжи екі күннен бері әлемдік сот алдында жауап беріп жатыр. Мьянма басшысы рохинджа мұсылмандарын геноцидтен қорғай алмады деп айыпталды. Және де оған «армия рохинджаларды қуғын-сүргінге ұшыратпады» деген позициясы үшін де қатаң сын айтылды. Дегенмен, Сун Чжидің мәлімдеуінше, Мьянмаға тағылған кінә — шала әрі жалған. Бұл мемлекетке қарсы шағымды Гаага сотына Гамбия Ислам Ынтымақтастығы Ұйымының 57 елінің атынан түсірді.
Айта кетсек, Мьянма әскері елдің батысындағы Ракхайн штатында 2017 жылы тамызда операция жүргізді. Соған байланысты көрші Бангладешке 730 мыңнан астам рохинджа мұсылманы қашқаны белгілі.
Арыстан РЫСБЕК
