Әлемде климатты қорғауды талап еткен ауқымды шерулер басталды

Оған негізінен жастар қатысып жатыр. Болжамдарға қарағанда, бүгін дүние жүзі елдері қалаларының көшелеріне миллиондаған адам шығуы мүмкін. Сиднейде өткен демонстрацияға жүздеген студент пен оқушы қатысып, басшылықты климаттың өзгеруін тоқтатуға көбірек күш жұмсауға шақырды. 

Ел үкіметінің басшысы Скотт Моррисон атмосфераға тарайтын улы газ мөлшерін 2005 жылғы деңгейден 26 пайызға азайтуға уәде беріп отыр. 

Бұл мемлекетте 150-ден астам өрт ошағы әлі сөндірілмеген. Сондықтан Сидней аспанын қою түтін торлады. 1 миллион гектар орман мен егістік алқабы және 500-дей үй жанып кеткен. 

Арыстан РЫСБЕК