Еуропаның ең ірі құнды қазына қоймасы тоналды

Германияның Дрезден қаласында Еуропаның ең ірі құнды қазына қоймасы тоналды. Ұрылар әшекей бұйымдардың үш жинағын алып кеткен. Олардың әрқайсысы гауһартаспен, жақұтпен, замартаспен безендірілген 37 заттан тұрады. 

«Бильд» журналының мәліметінше, қолды болған дүниелердің бағасы миллиард еуроға жетуі мүмкін. Дрезденнің мемлекеттік мұражайлар басқармасының жетекшісі Марион Аккермен олардың нақты құнын әзірге айтпай отыр. 

Бірінші қабаттағы терезенің темір торын майыстырып, ішке енген тонаушылар бағалы заттарды қолды қылып іздерін суытқан. Оқиға орнына ондаған полиция патрулі жетті. Қазір тергеу жүріп жатыр.

Арыстан РЫСБЕК