Қара теңізде 14 000 қой тиелген кеме аударылып қалды

Қара теңізде мыңдаған қой тиелген кеме аударылып қалды. Келеңсіз оқиға Румыния жағалауында болды. Палау Республикасында тіркелген су көлігі Мидия портынан Сауд Арабиясына кетіп бара жатып апатқа ұшыраған. Экипаждың 22 мүшесінің барлығы – сириялықтар. Олардың ешқайсының өміріне қауіп төніп тұрған жоқ.

Құтқарушылардың айтуынша, 14 мың қойдың әзірге 50-і ғана құтқарылып, көбі суға батып кеткен. 

Румыния – Еуропа одағында Таяу Шығысқа тірі қой жеткізетін ең үлкен экспортер. Жануарлар құқығын қорғау ұйымдары бұл мемлекетті жағдайы нашар кемелерге тым көп мал артады деп талай рет сынаған.

Арыстан РЫСБЕК