Ресей басып алған кемелер еліне оралды

Былтыр қараша айында Ресей басып алған украиналық кемелер еліне оралды. Оларды Украина флотының қолбасшылары «Очакив» портында қошеметпен қарсы алды. Сонымен қатар салтанатты рәсімге көрші елдің түрмесінен босатылған экипаж мүшелері де қатысты. 

Ресей әскері үш кемені бір жыл бұрын Керчь бұғазында оқ атып, қолға түсірді. Сол шабуыл кезінде украиналық бірнеше теңізші жараланған еді. 

Мәскеуге сенсек, су көліктері Ресейдің территориялық суларына заңсыз енді. Алайда ресми Киев мұны жоққа шығарып отыр. 

Арыстан Рысбек