Ирандағы шеру кезінде 100-ден астам адам қаза болды

Иранның 21 қаласында соңғы күндері өткен шерулер кезінде кемінде 106 адам мерт болды. Және де олардың мәйіті туыстарына қайтарылмаған. Мұндай мәліметті Amnesty International ұйымы жариялап отыр. Ал Біріккен Ұлттар Ұйымы Ислам Республикасында демонстранттарға оқ атылғанына алаңдаушылық білдіріп, Тегеранды күш қолданудан бас тартуға шақырды. 

Өткен жұмада Иранның 100-ден астам қаласында мыңдаған адам шеруге шығып, жанармай бағасының 50 пайызға қымбаттауына наразылық білдірді. Кейбір деректерге қарағанда, көтерілістер қауіпсіздік күштерімен қақтығыстарға ұласып, 200-дей адам қаза тапқан. Алайда жергілікті үкімет құрбандар мен жараланғандар туралы әзірге ресми ақпарат таратпай отыр.

Арыстан Рысбек