Әлихан Смайылов қаржы игеруде көш соңында қалған ведомстволарды атады

Премьер-Министрдің бірінші орынбасары - Қаржы министрі Әлихан Смайылов Үкімет отырысында бюджет қаржысын игермеген министрліктер мен әкімдіктерді атады.

Бірінші вице-премьердің айтуынша, Экология, геология және табиғи ресурстар министрлігі 10,1 млрд теңге игермеген. Білім және ғылым министрлігі - 9,3 млрд теңге; Индустрия және инновациялық даму министрлігі - 7,8 млрд теңге; Мәдениет және спорт министрлігі - 6,1 млрд теңге; Цифрлық даму, инновациялар және аэроғарыш өнеркәсібі министрлігі - 5,1 млрд теңге. 

«Игермеудің негізгі себептері - мемлекеттік мекемелердің қайта ұйымдастырылуы, орындалған жұмыстар актілерінің уақтылы ұсынылмауы, шарттар, қосымша келісімдер жасасу рәсімдерінің ұзақ жүргізілуі», - деді Ә.Смайылов.