Жаңалықтарды Telegram арнамыздан оқыңыз!Сондай-ақ Президент Қасым-Жомарт Тоқаев бала құқықтары жөніндегі уәкіл Аружан Саинды қабылдады. Кездесуде балалардың денсаулығын сақтау мен әлеуметтік қорғау, кәмелетке толмағандарға зорлық-зомбылық көрсетуге қарсы күрес әңгіме өзегі болды. Сонымен қатар шала туған және ретинопатия ауруына шалдыққандықтан, зағип болып кеткен сәбилер мәселелері көтерілді. Аружан Саинның айтуынша, елімізде 20 мыңға жуық бала шала туып, олардың 4 мыңы салмағы жетілмей дүниеге келеді. Бұл проблеманы шешу үшін өңірлердегі перзентханаларды тиісті құрал-жабдықпен қамту маңыздылығы айтылды.
