Ustaz Ulytau педагогикалық трансформация орталығына - 5 жыл

Ustaz Ulytau педагогикалық трансформация орталығына бес жыл толды. Осыған орай, Жезқазғанда мерейтойылық жиын өтті. Орталық осы уақыт аралығында ең ірі білім беру бастамаларының біріне айналып, Ұлытау, Қарағанды және Жамбыл облыстарындағы 85 мектеп пен бірнеше білім беру ұйымын қамтыды. Бүгінде аталған білім ошақтарында заманауи білім беру әдістемелері енгізіліп, STEM-тәсілдері мен ағылшын тілін оқытудың технологиялары жүзеге асырылып келеді. Бес жыл ішінде 43 дарынды оқушы Ұлыбританияда тілдік білім беру бағдарламасынан өтті. Сондай-ақ ондаған педагог пен кәсіби бағдар беруші маман, мектеп директорлары халықаралық тағлымдамадан өтті.