Қазақстандық жас математиктер халықаралық олимпиадада топ жарды

Қазақстандық жас математиктер Балқан олимпиадасында үздік нәтиже көрсетті. Румынияның Бузэу қаласында өткен жасөспірімдер арасындағы жарыста оқушыларымыз әлемнің үздік командалары қатарынан көрінді. Ғылым және жоғары білім министрлігінің мәліметінше, беделді зияткерлік жарысқа 23 елден барлығы 138 оқушы қатысқан. Қазақстан құрамасының алты мүшесі де олимпиада жүлдегері атанып, екі алтын, екі күміс және екі қола медаль жеңіп алды. Ұлттық құрама командалық есепте төртінші орынға ие болды.