Ең ұзақ ұшқан ұшақ рекорд орнатты

Австралияның «Кантас» компаниясы жаңа рекорд орнатты. Оның жолаушылар ұшағы Нью-Йорктен Сиднейге дейін 16200 шақырымды тоқтамай ұшып барған. Және де бұл сапарға 19 сағат 16 минут уақыт кетті. 

«Боинг Дримлайнер» ұшағының бортында экипаж мүшелерінен бөлек, 49 жолаушы мен компания басшысы Алан Джойс болды.

Ол мәлімдегендей, бұл – әлем авиациясындағы тарихи оқиға. Өйткені бұрын ұшақтар бір құрлықтан екіншісіне аялдамасыз ұшып бармаған.

Компания өкілдерінің сөзінше, әуе машинасының салонында отырған адамдардың жағдайын ұзақ сапарда нашарлатпау үшін оларға арнайы кесте бойынша ерекше тағам берілді. Сонымен қатар жолаушыларға дене шынықтыру үшін арнайы зона бөлінген.

Арыстан Рысбек