Жаңалықтарды Telegram арнамыздан оқыңыз!Бүгін Брюссельде Еуропа одағының «Брексит» жөніндегі шешуші саммиті басталады. Алайда, Ұлыбританияның осы блоктан шығуы жөніндегі келісімі әлі дайын емес. Уақыт болса аз: екі жақ қазанның 31-інде ажырасуы тиіс. Тараптарды тығырыққа тіреген басты мәселе – екі Ирландия шекарасы. Лондон қазіргі келісім жобасын қолдайтын болса, Солтүстік Ирландия іс жүзінде одақ құрамында қалып қоймақ.
Егер британ премьер-министрі Борис Джонсон парламенттің көңілінен шығатын өзге «брексит» жобасын ұсына алмаса, корольдіктің одақтан шығу мерзімі тағы да кейінге шегеріледі. Мұндай жағдайда үкімет басшысын отставкаға жіберу мәселесі күн тәртібіне шығуы мүмкін.
Арыстан Рысбек
