Германияда синагога маңында атыс болып, 2 адам қаза тапты

Германияның шығысындағы Галле қаласындағы синагога маңындағы атыстан екі адам мерт болды. Оларға оқ жаудырғандар әскери үлгіде киінген. Қаскөйлерді куәгерлердің бірі ұялы телефон камерасына түсіріп алыпты. Шабуылдан синагога мен еврейлер моласы жанында бір әйел қаза тапты. Және діни ғимараттың қарсы бетінде ер адам жан тәсілім еткен. Оқиға кезінде синагоганың ішінде 70-80 адам болған. Ресми өкілдердің мәлімдеуінше, бұл қылмыс антисемиттік пиғылмен жасалса керек. 

Өзге бір мәліметтерге қарағанда, көп кешікпей Галледен 15 шақырым жердегі Ландсберг қаласында да мылтық дауысы естілді.

Арыстан Рысбек