Сирияның солтүстігі күрд отрядынан азат етілмек

Түрік жауынгерлері мен Сирия Азат Армиясы оппозициялық күштері Сирияның солтүстігіне аз уақыттан соң енеді. Мұны бүгін президент Реджеп Тайып Ердоғанның байланыс қызметінің директоры Фахреттин Алтун мәлімдеді. 

Өткен тәулікте Сирия жаққа Түркиядан әскери техника мен сарбаздар аттанды. Олар Араб Республикасының теріскейін күрд отрядтарынан тазартып, бұл аймақта Түркияға қашқан миллиондаған босқынды қоныстандыратын жер босатуы керек. 

Осыдан бірер күн бұрын Сирияның солтүстігінен Америка әскері әкетілді. Сол үшін қазір президент Дональд Трамп АҚШ-тың одақтастары – күрдтерді сатып кетті деп айыпталып отыр.

Арыстан Рысбек